I le suafa o le Tama, ma le Alo, ma le Agaga Pa'ia. Amene.
Failotu: Agaga Pa'ia e / afio mai ia / ia E fa'atumu loto o au 'au'auna/
ma tutu i ai le afi o lou alofa.
Ia E auina atu lou Agaga / ona fa'aolaina ai lea o i latou.
Aofia: E te fa'afouina mea uma i le lalolagi.
Ia Tatou Tatalo
Le Atua e, na E a'oa'oina loto o au au'auna i le malamalama o le Agaga Pa'ia,
ia E alofa mai ia te i matou, ia matou maua le poto mai lena lava Agaga, ma
le fiafia i lana fesoasoani mai, ona o Iesu Keriso lo matou Ali'i. Amene
F: Le Ali'i e / ia e fa'amatala o'u laugutu.
A: Ona ta'uta'u atu lea e lo'u gutu lou vi'iga.
F: Le Atua e / ia vave ona E lavea'i mai ia te a'u.
A: Le Ali'I e / ia vave ona E fesoasoani mai ia te a'u.
F: O le vi'iga i le Tama, ma le Alo, ma le Agaga Pa'ia.
A: E pei o lona vi'iga sa, i le amataga / fa'apea fo'i i ona po nei /
ma aso uma i le fa'avavau / fa'avavau lava. Amene.
Ona soso'o ai lea ma le lauina o vaega e lima o le Losalio
ma le tatalo o le "Si o'u alofa Lesina".
F: Le Tina paia e o le Atua, ia e talosia i matou.
A: Matou te aoga ai i folafolaga a Iesu Keriso.
Ia Tatou Tatalo
Le Atua e / o lou Alo to'atasi na maua mo i matou / le taui o le olataga e fa'avavau /
i lona soifua / lona maliu / ma lona toe tu / matou te ole atu / ia E foa'i mai /
'ia matou fa'aa'oa'o i amioga lelei ua fa'aalia mai i Misitelio / ua matou fa'amanatua
i le Losalio pa'ia a le Taupou manuia o Maria / ma ia matou maua le taui ua folafolaina
mai ai / ona o Iesu Keriso / lo matou Ali'i. Amene.
F: Finagalo e o Iesu ua sili lou pa'ia.
A: Ia e alofa mai ia te i matou.
F: Finagalo e o Maria ua sili le mama.
A: Talosia i matou.
F: Sangato Iosefo e
A: Talosia i matou.
F: Sagato Ioane e, le Tusievagelia
A: Talosia i matou.
F: Sagato Lui Maria o Mofoa
A: Talosia i matou.
I le suafa o le Tama, ma le Alo, ma le Agaga Pa'ia. Amene.
O LE SO'OTAGA O LE 'AUTAU
Fa'atomuaga: Po'o ai le tama'ita'i o lo'o afio mai pei o le tafa mai o ata /
e lalelei e pei o le masina / e pupula e pei o le la / e mata'utia
e pei o se itutaua ua fa'ala'ei'au.
F: Ua vivi'i atu lo'u loto i le Ali'i.*
A: Ua oso fiafia lo'u agaga i le Atua lo'u Fa'aola.
F: Aua na la silasila ifo ma le alofa i lana 'au'auna fa'atauva'a *
Fa'auta fo'i, e amata mai nei ona fa'a'amu'ia mai ia te a'u o tupulanga uma.
A: Ona ua faia mo a'u mea tetele e Le e ona le mana uma *
O le Pa'ia lona suafa!
F: Ma o lona alofa e o'o i lea tupulaga ma lea tupulaga*
I e matata'u ia te la.
A: Ua Na fa'aalia le malosi o lona 'a'ao *
Ua Na fa'ata'ape'apeina o e loto fa'amaualuga.
F: Ua Na tulei ifo o ali'i malolosi nai o latou nofoali'i*
Ua Na fa'aeaina o e fa'amaualalo.
A: Ua Na fa'alauleleiina i mea lelei o e sa fia 'a'ai *
A o e mau mea ua Na aufuaina atu i latou.
F: Ua na fesoasoani atu ia Isaraelu lana 'au'auna*
Ina ua manatunatu i lona alofa.
A: Pei ona la folafola mai i o tatou tama*
Ia Apera'amo ma lana fanu e fa'avavau.
F: O le vi'iga i le Tama, ma le Alo, ma le Agaga Pa'ia.
A: E pei o lona vi'iga sa, i le amataga / fa’apea fo'i i ona po nei /
ma aso uma i le fa'avavau / fa'avavau lava. Amene.
Fa'atomuaga: Po'o ai le tama'ita'i o lo'o afio mai pei o le tafa mai o ata /
e lalelei e pei o le masina / e pupula e pei o le la / e mata'utia
e pei o se itutaua ua fa'ala'ei'au.
F: Maria pa'ia e ua leai sau agasala i lou fa'atoa tupu.
A: Talosia i matou o lo'o sulufa'i atu ia te 'oe.
Ia Tatou Tatalo
Ali'i e Iesu Keriso / lo matou Puluvaga i le Tama / Na E finagalo malie e tofia le
Taupou ua sili le pa'’ia / o lou Tina / ia avea fo'i ma o matou Tina / ma o matou
fautua ia te Oe. Ia E alofa ma foa'i mai i so'o se tasi / e sulu atu ia te Oe / o sa'’ili
i au kalasia / ina ia talia uma ma le 'olo'oli / ona o le fautua a le taupou pa'ia o Maria.
Amene.
O LE TATALO FA'AI'U.
I le suafa o le Tama, ma le Alo, ma le Agaga Pa'ia. Amene.
F: Le Tina pa'ia e o le Atua / ua matou sulu atu i lau puipuiga.
Aua ne'i e tu'ulafoaiina a matou talosaga / pe a matou puapuagatia /
ae ia e lavea'iina i m,atou I ou matou tigaina uma / o oe le Taupou
mamalu ma le ta'uleleia. Amene.
F: Maria e Immakulata, le Fautuatatalomo Kalasia uma.
A: Talosia i matou.
F: Sagato Mikaele ma Kapeliele
A: Talosia i matou.
F: O Outou le 'au fa'feao o le lagi / o outou le 'au agelo a Maria.
A: Talosia i matou
F: Sagato Ioane Patita
A: Talosia i matou
F: Sagato Petelo ma Paulo
A: Talosia i matou
Le Ali'i e / ia E tu'u ia matou / o e o lo'o tautua ma 'au'auna atu ia te Oe /
i lalo o le fu'a a Maria / le atoatoa o le fa'atuatua ia te Oe / ma le fa'amoemoe
ia Maria. Aua o mea lava ia ua tu'uina mai ai le manumalo i le lalolagi.
Matou te tagi atu / ia E foa'i mai ia i matou / se fa'atuatua ola ua fa'avaeina
i le alofa / ina ia matou fai ai a matou amioga uma / ona o le alofa mama ia te Oe /
ia matou va'ava'ai pea i lau Afioga i o matou uso tagata / ma au'auna atu ai ia te i
latou ona o Oe. Ia E tu'u mai se fa'atuatua mautu / ma le le ma fa'agae'etia / pei
o se papa lea / matou te lagolago i ai ma le loto tumau ma le to'afimalie /
i puapuaga / ma mea tiga / ma mea fa'afatiatiama'i o lenlei olaga: o se fa'atuatua
ua mafai ai ona matou tagolima ma tauave ma le loto tele / mea tetele mo le Atua
ma le fa'aolataga o agaga; o se fa'atuatua e fai ma Afi Fa'anuitu o la matou 'Autau /
e ta'ita'iina atu fa'’atasi ai i matou / e tutuina ai le afi ole alofa fa'alelagi i mea uma /
e fa'amalamalamaina ai o i latou o e nonofo i le pouliuli ma le ata o le oti /
e fa'amumuina ai I le alofa o loto o e fa'aleogalua / e toe fa'atuina ai i le ola
fa'aleagaga o e ua oti ona o le agasala / e ta'ita'iina ai o matou vae i le ala o le manuia.
A uma le taua o lenei olaga / ia toe fa'atasia ai la matou 'Autau / i le Malo o lou alofa
ma lou mamalu / e aunoa ma se tasi e fano. Amene
F: Ia mapu atu i le alofa o le Atua / o uso maliliu o la matou 'Autau / fa'apea ma agaga
o tagata uma / ua oti usita'i i le Lotu. Amene.
I le suafa o le Tama, ma le Alo, ma le Agaga Pa'ia. Amene.